මෙරට මූල්‍ය අර්බුදය පිළිබඳ පසුගිය රජය ඇතැම් කරුණු වසන් කළ බව වැඩබලන ජනාධිපති රනිල් වික්‍රමසිංහ පවසයි.
CNN නාලිකාව සමඟ සම්මුඛ සාකච්ඡාවකට එක්වෙමින් වැඩබලන ජනාධිපතිවරයා මේ බව ප්‍රකාශ කළේය.
ශ්‍රී ලංකාව බංකොලොත් වන බවට සහ ජාත්‍යන්තර මූල්‍ය අරමුදල සමඟ සාකච්ඡා කළ යුතු බවට වන සත්‍ය ගෝඨාභය රාජපක්ෂගේ රජය ජනතාවට ප්‍රකාශ නොකළ බව ඔහු එහිදී වැඩිදුරටත් අවධාරණය කළේය.
රට යළි ගොඩනැගීම සඳහා දීර්ඝ කාලයක් අවශ්‍ය නොවන බව සඳහන් කළ වැඩබලන ජනාධිපතිවරයා කියා සිටියේ 2023 වසර අවසන් වනවිට ස්ථාවර වීමටද, 2024 වන විට වර්ධනය වීමටද පටන් ගන්නා ක්‍රියාකාරී ආර්ථිකයක් ඇති කර ගැනීමට ක්‍රියාකළ යුතු බවයි.