රාත්‍රී ආර් ථිකයක් නොමැති කිසිදු රටක් දියුණු වී නොමැති බව සංචාරක රාජ්‍ය අමාත්‍ය ඩයනා ගමගේ පැවසුවාය.
ඊයේ යෙදුණ ලෝක සංචාරක දිනය වෙනුවෙන් හබරණ පැවති ජාතික උත්සවයට එක්වෙමින් ඇය මේ බව සඳහන් කළාය.
රාත්‍රී ආර් ථිකය යනු රටට සහ රජයට මුදල් ලැබෙන ක්‍රමවේදයක් බව ඇය එහිදී වැඩිදුරටත් අවධාරණය කළාය.
දහවල් කාලයේදී ජනතාව හම්බකරන මුදල් වියදම් කිරීමට රාත්‍රියේදී තැනක් මෙරට තුළ නැත්නම්, රජයට ණය ගැනීමටද සිදුවන බව ඇය පෙනවා දෙයි. සංචාරකයින් පැමිණෙන්නේ රාත්‍රී 10න් පසුව කාමරවලට වී නිදාගැනීමට නොවන අතර කංසා වගා කර ඩොලර් උපයන තෙක් තම රට වෙනුවෙන් ඇති උත්සාහය කිසිසේත් අතනොහරින බව ද ඇය පැවසුවාය.