මෙරට මුල් බැස ඇති මහා පරිමාණ දූෂණ වළක්වාලීමට සාධාරණ සමාජයක් සඳහා වන ජාතික ව්‍යාපාරය මූලික වෙමින් පුළුල් ක්‍රියාන්විතයකට යොමුවීමට කරු ජයසූරිය පියවර ගෙන ඇති බව දේශපාලන ආරංචිමාර්ග සඳහන් කරයි.
ඒ සඳහා මේ දිනවල සැලසුම් කරමින් පවතින අතර මේ වන විටත් ඒ සඳහා ඉදිරි පෙළ කමිටුවක් නම් කර ඇති බව වාර්තා වෙයි.
අල්ලස් හෝ දූෂණ විමර්ශන කොමිෂන් සභාවේ අධ්‍යක්ෂ ජනරාල්වරියක ලෙස කටයුතු කළ දිල්රුක්ෂි ඩයස් වික්‍රමසිංහ එම කමිටුවේ ප්‍රධානත්වය දරනු ලබයි. ඒ සමගම මෑත යුගයේ රට තුළ සිදු වූ මහා පරිමාණ දූෂණ සිදුවීම් දහයක් ඉලක්ක කරගනිමින් ඒ පිළිබද ගවේෂණාත්මක හෙළිදරව්වක් කරමින් අදාළ වගකිවයුත්තන්ට නඩු පැවරීමටද සූදානමක් පවතින බව එම ආරංචිමාර්ග පවසයි.
ඒ සියලු සැලසුම් හා ක්‍රියාමාර්ග දෙසැම්බර් මස මුල් දින කිහිපය තුළ රටට හෙළිදරව් කිරීමට කරු ජයසූරිය අපේක්ෂා කරයි.