ඉදිරි පළාත් පාලන මැතිවරණයෙන් සියයට 90ක් ජයගැනීමට ශ්‍රී ලංකා නිදහස් පක්ෂයට හැකි බව හිටපු ජනාධිපති මෛත්‍රීපාල සිරිසේන පැවසීය.
හෙතෙම මේ බව ප්‍රකාශ කළේ ශ්‍රී ලංකා නිදහස් පක්ෂ මූලස්ථානයේ පැවති ‘නිදහස් ජනතා සන්ධානය’ සමාරම්භක උත්සවයට එක්වෙමිනි.
මේ වසරේ පැවැත්වෙන පළාත් පාලන මැතිවරණයේදී මෙම නව සන්ධානය විශාල ජයග්‍රහණයක් ලබන බව තමන් පැහැදිලිවම පවසන බවත් මේ රටේ කලක පටන් ප්‍රජාතන්ත්‍රවාදය සහ නිදහස සම්බන්ධ ගැටලු පවතින බවත් රට ගොඩනැගීමට සහ සංවර්ධනය කිරීමට ප්‍රජාතන්ත්‍රවාදය ශක්තිමත් කළ යුතු බවත් ඔහු අවධාරණය කළේය.