දේශීය ණය ප්‍රතිව්‍යුහගත කිරීමේ ක්‍රියාවලියේදී ජනතාවගේ බැංකු තැන්පතුවලට සහ පොලී අනුපාතවලට කිසිදු බලපෑමක් සිදු නොවන බව මුදල් රාජ්‍ය අමාත්‍ය රංජිත් සියඹලාපිටිය සහතික වෙයි.
රජය සිය දේශීය ණය ප්‍රතිව්‍යුහගත කිරීමේ සැලැස්ම මේ සතියේ එළිදැක්වීමට නියමිතය.
රජය පවසන පරිදි දේශීය ණය ප්‍රතිව්‍යුහගත කිරීමේ සැලැස්ම සෙනසුරාදා සහ ඉරිදා පාර්ලිමේන්තුවේදී සලකා බලනු ඇත.
දේශීය ණය ප්‍රතිව්‍යුහගත කිරීමේ ක්‍රියාවලියේදී ණය ආපසු ගෙවීම කල් දැමීම, පොලී අඩු කිරීම සහ ගෙවීමේ කාලය දීර්ඝ කිරීම වැනි ක්‍රියාමාර්ග සාකච්ඡා කර ක්‍රියාත්මක කරන බව රාජ්‍ය අමාත්‍යවරයා පැවසීය.
තනි පුද්ගල තැන්පතු සහ EPF, ETF සහ විශ්‍රාම වැටුප් ප්‍රතිලාභ වැනි සමාජ ආරක්ෂණ යෝජනා ක්‍රමවලට අත නොතබන බවයි ඔහු අවධාරණය කළේ.