රොකට් ප්‍රහාර මැද මියන්මාර වැසියෝ පලා යති

මියන්මාරයේ චින් ප්‍රාන්තයේ තන්ට්ලෑන්දී මියන්මාර් හමුදා සහ හමුදා කුමන්ත්‍රණයට එරෙහි සටන්කාමීන් අතර ඇති වූ දරුණු සටන් හේතුවෙන් එහි සිටි වැසියන් අතුරින් 8,000ක් පමණ නගරය අත්හැර පලාගොස් තිබේ. මේ අවස්ථාවේ එල්ල කළ රොකට් ප්‍රහාර නිසා නිවාස රැසක් ගින්නට හසු වී ඇත. යාබද දේශසීමාව හරහා දහස් ගණන් පිරිස් ඉන්දියාවට පලාගොස් ඇතැයි වාර්තා වේ. රොයිටර් වාර්තා අනුව තන්ට්ලෑන්හි සිවිල් වැසියන්ගේ නිවාස 20කට වැඩි ප්‍රමාණයක් ගින්නට හසු වී තිබේ. ගිනිගන්නා ගොඩනැඟිල්ලක් නිවා දැමීමට උත්සාහ කළ ක්‍රිස්තියානි පූජකවරයකු හමුදාවේ වෙඩි පහරට ලක්ව මියගොස් ඇතැයි ද රොයිටර් පුවත් සේවය වාර්තා කළේය. එම ප්‍රදේශයේ වාසය කළ ජනතාවගෙන් සියයට සියයක් ම තම නිවාස හැරගොස් ඇතැයි මියෙන්මාර් වාර්තා සඳහන් කළේය.