පොලිස් කොස්තාපල්වරයෙක් සිය රාජකාරී ගිනි අවියෙන් වෙඩි තබාගෙන සියදිවි හානිකරගෙන තිබෙනවා.
පානදුර ළමා හා කාන්තා කාර්යාංශ ඒකකයට අනුයුක්තව සේවය කළ පොලිස් කොස්තාපල්වරයෙක් මෙලෙස සියදිවි හානිකරගෙන ඇති බවයි වාර්තා වන්නේ.
අද (29) අලුයම පොලිස් ස්ථානයේ ප්රධාන ගේට්ටුව අසලදී මොහු සිය ටී-56 ගිනි අවියෙන් මෙලෙස වෙඩි තබාගෙන ඇති බවට තොරතුරු වාර්තා වනවා.
වෙඩි වැදීමෙන් බරපතළ තුවාල ලැබූ පොලිස් කොස්තාපල්වරයා පානදුර දකුණු රෝහලට ඇතුළත් කිරීමෙන් අනතුරුව මියගොස් තිබෙනවා.
මෙලෙස මියගොස් ඇත්තේ 28 හැවිරිදි පේරාදෙණිය ප්රදේශයේ පදිංචි කොස්තාපල්වරයෙකි.