විපක්ෂ නායක සජිත් ප්රේමදාස
වත්මන් ආණ්ඩුව විදේශීය සමාගම් ඉදිරියේ දණින් වැටී ඇති බව විපක්ෂ නායක සජිත් ප්රේමදාස මහතා ඊයේ (25) පැවසීය.
දේශප්රේමය, ජාති ආලය යනාදී සියල්ල ඩොලර් කුට්ටි අබියස සුනු විසුනු වී ඇති බව ද විපක්ෂ නායකවරයා සඳහන් කළේය.
ඔහු මේ බව සඳහන් කළේ අම්බලන්තොට සමඟි ජන බලවේගයේ ප්රධාන කාර්යාලය විවෘත කිරීමේ අවස්ථාවට ඊයේ එක්වෙමිනි.
අද වන විට ජනතාව මුහුණ දෙන සියලු ප්රශ්නවල නිර්මාණකරුවා වන්නේ ආණ්ඩුව බව එහිදී පැවසූ විපක්ෂ නායකවරයා ආණ්ඩුවේ අන්තනෝමතික ක්රියාවන්හි ප්රතිඵල ජනතාවට විඳින්නට සිදුව ඇති බව ද කීය.
පහන් විජේසේකර