පොලිස් විශේෂ කාර්ය බලකා විශේෂ මෙහෙයුම් ඒකකයේ නිළධාරීන් ලද තොරතුරක් මත මීගමුව පෙරියමුල්ල ප්රදේශයේ සිදු කළ වැටලීමකදී නීති විරෝධීව තීරු බදු රහිතව මෙරටට ගෙන්වූ දුම්වැටි තොගයක් ඊයේ (30) අත්අඩංගුවට ගෙන ඇත.
දුම්වැටි 1600ක් පමණ මෙරටට ගෙන්වා තිබියදී එලෙස සොයා ගෙන ඇති බව පොලිසිය පවසයි. දුම්වැටි තොගය සමඟ අත්අඩංගුවට ගත් සැකකරුවන් දෙදෙනා වයස අවුරුදු 46 හා 52 පසුවන මීගමුව හා කොච්චිකඩේ ප්රදේශවල පදිංචිකරුවන් බව අනාවරණන වී තිබේ.
අදාළ සිද්ධිය සම්බන්ධයෙන් මීගමුව පොලිසිය වැඩිදුර විමර්ශන සිදුකරනු ලබයි.