අද (09) ඒකල සහ කටුනායක ඇතුළු ප්‍රදේශ කිහිපයකට පැය 14ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය පවසයි.
ජා ඇළ මාර්ගයේ ජල නල පද්ධතියේ වැඩි දියුණු කිරීමේ කටයුත්තක් හේතුවෙන් මෙලෙස ජල සැපයුම් අත්හිටුවීමට සිදුව ඇති බව එම මණ්ඩලය වැඩිදුරටත් සඳහන් කළේය.
ඒ අනුව අද පස්වරු 04.00 සිට හෙට පෙරවරු 06.00 දක්වා කාලය තුළ ජල සැපයුම අත්හිටුවේ. ඒකල, කොටුගොඩ, උදම්මිට, රජ මාවත, මීගමු පාර, වහටියාගම, දලතුර, කටුනායක, සීදුව, කටුනායක ගුවන් හමුදා කඳවුර, කටුනායක නිදහස් වෙළෙඳ කලාපය සහ කටාන දකුණ යන ප්‍රදේශවලට අදාළ කාලය තුළ ජල සැපයුම අත්හිටුවනු ලැබේ.