මධ්‍යම කදුකරයේ බටහිර බෑවුම් ප්‍රදේශවලට මේ දිනවල පවතින අධික වියළි කාලගුණ තත්ත්වයත් සමග ජල විදුලි උත්පාදනය සඳහා ප්‍රධාන වශයෙන් ජලය සපයන කාසල්රි සහ මවුස්සාකැලේ ජලාශවල ජල ධාරිතාව තවදුරටත් පහළ බැස ඇති බව එම ජලාශයන් භාර ඉංජිනේරුවන් පවසයි.
කාසල්රි ජලාශයේ ජලාශ වේල්ලේ උස මට්ටම අඩි 155 වන අතර එහි ජල මට්ටම අඩි 118 දක්වා පහළ බැස ඇති බවත් මවුස්සාකැලේ ජලාශ වේල්ලේ උස මට්ටම අඩි 120 වන අතර එහි ජල මට්ටම අඩි 75 දක්වා අද (15) අලුයම 6.00 වන විට පහළ බැස ඇති බව ජලාශ භාර ඉංජිනේරුවරුන් අවධාරණය කරයි.
දැනට ජලාශයන් දෙකෙහිම ඉතිරිව තිබෙන ජල ධාරිතාව පානීය ජලය සදහා රඳවා ගනිමින් ජල විදුලි උත්පාදනය සදහා භාවිතා කෙරේ. එම ජලාශ දෙකෙන්ම ලබා ගන්නා ජලයෙන් විමලසුරේන්ද්‍ර, ලක්ෂපාන, නව ලක්ෂපාන සහ පොල්පිටිය යන ජල විදුලි බලාගාරවල විදුලි උත්පාදනය සිදු කරමින් පවතී.