මධ්‍යම කඳුකරයේ බොහෝ ප්‍රදේශවල මේ දිනවල පවතින වැසි රහිත වියළි කාලගුණය හේතුවෙන් වික්ටෝරියා ජලාශයේ ජල මට්ටම පතුලටම සිඳී ගොස් ඇත.
ජල විදුලිය නිෂ්පාදනය සඳහා ජලය මුදා හැරීම සහ කෘෂිකාර්මික කටයුතු සඳහා ජලය ගබඩා කර ගන්නා ප්‍රධාන ජලාශයක් වන වික්ටෝරියා ජලාශයේ ජලය දිනකට ඝණ මීටර් ලක්ෂ ගණනින් සිඳියමින් පවතින බව මහවැලි අධිකාරිය පවසයි.
මේ වන විට වික්ටෝරියා ජලාශයේ ජල මට්ටම පහත වැටී පැරණි තෙල්දෙණිය නගරය මතුවීමට ආසන්නව පවතින අතර සිඳියමින් පවතින ජලාශය දැක ගන්නට විශාල පිරිසක් පැමිණෙන බව ප්‍රදේශවාසීහූ පැවසුහ.