හිටපු නියෝජ්‍ය අමාත්‍යවරයෙක් එම ඇමැති ධූරයේ කටයුතු කළ සමයේදී සිය නිල නිවෙස සඳහා ලබාගත් ජලය වෙනුවෙන් ජාතික ජලසම්පාදන හා ජලාපවහන මණ්ඩලයට ගෙවිය යුතු රුපියල් ලක්ෂ 15 කට වැඩි මුදලක් ගෙවීම පැහැර හැර ඇතැයි අනාවරණය වී තිබේ.
මොහු නියෝජ්‍ය අමාත්‍ය ධූරයේ කටයුතු කළ සමයේදී භාවිතා කළ ත්‍රිකුණාමලය ප්‍රදේශයේ නිල නිවෙසට ලබාගත් ජලය වෙනුවෙන් ඉදිරිපත් කෙරුණු ජල බිල්පත් මෙසේ ගෙවීම පැහැර හැර ඇත.
එම හිඟ ජල බිල්පත වහාම ගෙවන්නැයි හිටපු නියෝජ්‍ය අමාත්‍යවරයාට පසුගිය කාලයේදී සිහි කැඳවීම් ගණනාවක් කර ඇතත් ඔහු ඒ මුදල මෙතෙක් ගෙවා නැතැයි ජාතික ජල ජලසම්පාදන හා ජලපවහන මණ්ඩලය චෝදනා කරයි.
මේ අතර දේශපාලඥයන්ගේ හිඟ ජල බිල්පත් වහාම අයකර ගැනීමට කටයුතු කරන්නැයි සම්පාදන හා ජලපවහන මණ්ඩලයේ වෘත්තීය සමිති නියෝජිතයන් රැසක් එම ආයතන ප්‍රධානීන්ගෙන් පසුගියදා විශේෂ ඉල්ලීමක් කර ඇත.