රාගම වෛද්ය පීඨයේ නේවාසිකාගාර පරිශ්රයේදී සිසුන් දෙපිරිසක් අතර ඇති වූ සිදුවීමට හිටපු රාජ්ය අමාත්ය අරුන්දික ප්රනාන්දුගේ සම්බන්ධයක් නොමැති බව හෙළි වී තිබේ.
2022 පෙබරවාරි 01 වැනිදා රාගම වෛද්ය පීඨයේ නේවාසිකාගාර පරිශ්රයේදී සිසුන් දෙපිරිසක් අතර ගැටුමක් වාර්තා වූ අතර ඒ සම්බන්ධව පරීක්ෂා කර වාර්තාවක් ඉදිරිපත් කිරීමට ජනාධිපතිවරයා විසින් අමාත්ය කෙහෙළිය රඹුක්වැල්ලගේ සභාපතිත්වයෙන් කමිටුවක් පත් කළේය.
එම වාර්තාව ඊයේ (03) ජනාධිපතිවරයාට භාර දී තිබේ. එහි දැක්වෙන්නේ නීතිය අපක්ෂපාතීව ඉටු කිරීම සඳහා ඔහු ඉඩ ලබාදී ඇති බවයි. ඒ අනුව සියලු කරුණු සැලකිල්ලට ගෙන හිටපු රාජ්ය අමාත්ය අරුන්දික ප්රනාන්දු නිර්දෝශි අයෙකු බව නිගමනය කරන බව කමිටුව වාර්තාව මගින් දක්වා ඇත.
එහිදී අනාවරණය වී ඇත්තේ එම සිදුවීම තෙවන හා සිව්වන වසරවල සිසුන්ගේ වගකීම් විරහිත ක්රියාවක් බවත් සැලසුම් සහගතව හා චේතනාන්විතව සිදුකළ ගැටුමක් නොවන බවත්ය. සිද්ධිය සම්බන්ධයෙන් හිටපු රාජ්ය අමාත්ය අරුන්දික ප්රනාන්දුගේ පුත්රයාද අත්අඩංගුවට ගැණිනි.