‘වැඩ කරන අපේ විරුවා’ තේමා ගීතය සමාජ ජාල ඔස්සේ අවභාවිතා කිරීම සම්බන්ධයෙන් පොලීසිය විසින් විමර්ශන පවත්වාගෙන යන බවට සමාජ මාධ්‍ය හරහා ප්‍රචාරය වන ප්‍රවෘත්ති අසත්‍ය බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පවසයි.
2019 ජනාධිපතිවරණයේදී ගෝඨාභය රාජපක්ෂ සිය මැතිවරණ ප්‍රචාරය සඳහා යොදාගත් ‘වැඩ කරන අපේ විරුවා’ තේමා ගීතය මේ දිනවල සමාජ ජාලවල විවිධ ආකාරයෙන් භාවිතා කර අතර ඉන්ධන පෝලිම්වලද, මිරිහාන ප්‍රදේශයේ කිරිපිටි පෝලිමකද ඇතැමුන් එය වාදනය කරනු සමාජ ජාල ඔස්සේ හුවමාරු විය.