පවුලේ කෑම මේසයේදී දේශපාලන තීන්දු ගැනීමේ ප්‍රතිඵල අද මුලු රටම විඳිමින් සිටින බවත් වර්තමානයේ පවතින ආර්ථික අර්බුදයට වඩා දේශපාලන අර්බුදය ප්‍රභල බවත් අතුරලියේ රතන හිමියෝ පැවැසූහ.
උන්වහන්සේ මේ බව ප්‍රකාශ කළේ ඊයේ (15) කොළඹදී පැවති රටම හරි මගට යන මැයෙන් පක්ෂ 11ක් පැවැත්වූ මාධ්‍ය හමුවට එක්වෙමිනි.
ප්‍රජාතන්ත්‍රවාදී දේශපාලන සම්මුතිය ඉදිරියට පවත්වාගෙන යාමට ජනපතිවරයා අපොහොසත් වී ඇති බවත් ආණ්ඩුව බලයට ගෙන ආ පාර්ශ්ව සමග සාකච්ඡා කිරීමට ආණ්ඩුව අපොහොසත් වී ඇති බවත් උන්වහන්සේ එහිදී පැවසූහ.