ශ්‍රී ලංකා මහ බැංකුව රුපියල් 20ක වටිනාකමක් ඇති සමරු කාසියක් නික්තු කර තිබේ.
ජන හා නිවාස සංගණනයේ 150 වන සංවත්සරය නිමිත්තෙන් එම කාසිය නිකුත් කර ඇති අතර මුහුණත වටිනාකම රුපියල් 20කින් යුත් එම සංසරණ සම්මත සමරු කාසියක් ජනාධිපති ගෝඨාභය රාජපක්ෂ වෙත පිළිගැන්වීම අද (21) ජනාධිපති ලේකම් කාර්යාලයේදී මහ බැංකු අධිපති අජිත් නිවාඩ් කබ්රාල්ගේ සහභාගිත්වයෙන් සිදු කෙරිණි.
නිකල් ආලේපිත වානේ කාසියක් වන මෙය පැති 7ක හැඩයකින් යුක්තයි. එම කාසියේ විශ්කම්භය මිලි මීටර් 28කින් හා ගණකම මිලි මීටර 2කින් යුක්ත බව මහ බැංකුව පවසයි. සංසරණය සඳහා මෙම කාසි ලක්ෂ විස්සක් නිකුත් කර තිබේ.