ඇල්පිටිය ප්රදේශයේදී කොස් ගෙඩියක් කඩාගත් පුද්ගලයෙකු පිහියකින් ඇන ඝාතනය කර තිබේ.
සිය ගර්භණී බිරිඳගේ කුසගිනි නිවීම සඳහා සිය ඉඩම මායිමේ ඇති කොස් ගසකින් ගෙඩියක් කඩා ගෙන ඇති අතර එම අවස්ථාවේ අසල්වැසියෙකු සමග ඇතිවූ බහින් බස් වීමක් දුරදිග යාමෙන් එම අසල්වැසියා කොස් ගෙඩිය කඩාගත් පුද්ගලයාට පිහියකින් පහර දී තිබේ.
බරපතළ තුවාල ලැබූ එම පුද්ගලයා ඇල්පිටිය රෝහලට රැගෙන යමින් සිටියදී ජීවිතක්ෂයට පත්ව ඇත.
එලෙස ඝාතනයට ලක්ව ඇත්තේ 34 හැවිරිදි ඇල්පිටිය, පිටුවල මාර්ගයේ 2 කනුව ප්රදේශයේ පදිංචි එක්දරු පියෙකි.