වැලිවේරිය, වෑබඩ ප්‍රදේශයේදී තියුණු ආයුධයකින් පහරදී කාන්තාවක් ඝාතනය කර තවත් දෙදෙනෙකුට තුවාල සිදු කිරීම සම්බන්ධයෙන් පොලිසිය විමර්ශන ආරම්භ කර තිබේ.
විදෙස්ගතව සිට පැමිණි 32 හැවිරිදි කාන්තාවක් මෙම සිද්ධියෙන් ඝාතනයට ලක්ව ඇති අතර ඇයගේ සොහොයුරිය හා යෙහෙළියක් තුවාල ලබා රෝහල්ගත කර ඇති බව පොලීසිය පවසයි.
මෙම ඝාතනයට පෞද්ගලික ආරවුලක් හේතු වී ඇති බව පොලිසිය අවධාරණය කළේය. ඝාතනය සිදු කළ 37 හැවිරිදි සැකකරුද එම තියුණු ආයුධයෙන්ම සිය ගෙල පිටුපස කපාගෙන අසළ ළිඳකට පැන සිටියදී සොයා ගෙන ඇති අතර ඔහු ගොඩට ගෙන පොලිස් ආරක්ෂාව යටතේ ගම්පහ රෝහලට ඇතුළත් කර ඇති බව පොලීසිය සඳහන් කළේය.