තමාගේ ධුර කාලයේදී රට තුළ මේ ප්‍රශ්න කිසිවක් නොතිබූ බවත් තමාගෙන් පසුව රාජපක්ෂ පවුලේ දේශපාලකයින් භාරගත්තේ ඉතා හොඳ රටක් බවත් හිටපු ජනාධිපති මෛත්‍රීපාල සිරිසේන පැවසීය.
ඊයේ (01) පොළොන්නරුවේ පැවති මැයි දින රැලියකදී ඔහු මේ බව කියා සිටියේය.
“මගේ ජනාධිපති ධූරය මාස එකහමාරයි අඩු අවුරුදු 5ට. ඒ තනතුරේ සිටින කාලයේ අද මේ තියෙන ප්‍රශ්න කිසිම දෙයක් මේ රටේ තිබුණේ නැහැ. රාජපක්ෂ මහත්වරු භාර ගත්තේ ඉතාමත්ම හොඳ රටක්. මේ වන විට රට ඛේදවාචකයකට මුහුණ දී සිටිනවා. මගේ බලාපොරොත්තුව නව ආණ්ඩුවක් පිහිටුවීමයි.”