දියත උයන මංසන්ධියේ සිට ජයන්තිපුර මංසන්ධිය දක්වාත්, ජයන්තිපුර මංසන්ධියේ සිට කියංහෑම් මංසන්ධිය දක්වාත් දිවෙන පාර්ලිමේන්තු මාර්ගය අද (05) සහ හෙට (06) වසා තැබෙන බව පොලීසීය පවසයි.
පාර්ලිමේන්තු මාර්ගයට පිවිසෙන අතුරු මාර්ගද එම කාල සීමාව තුළ වසා තැබෙන බව පොලිස් මාධ්‍ය ප්‍රකාශක කාර්යාලය නිවේදනයක් නිකුත් කරමින් පවසයි.
විකල්ප මාර්ග නොමැති එම සීමාවේ පදිංචි ජනතාවට අනන්‍යතාව තහවුරු කර ගමන් කළ හැකියාව පවතින අතර පාර්ලිමේන්තු සැසිවාර පැවැත්වෙන දිනවල ආශ්‍රිත ප්‍රදේශවල පැවැත්වෙන මහජන උද්ඝෝෂණ හේතුවෙන් මන්ත්‍රීවරුන්ට සහ පාර්ලිමේන්තු කාර්ය මණ්ඩලයට ගමන් කිරීමේදී බාධා මතුවන බව පොලීසීය පවසයි.
පාර්ලිමේන්තු කටයුතු බාධාවකින් තොරව පවත්වාගෙන යාමේ අරමුණින් මෙම තීරණය ගත් බව පොලිස් මාධ්‍ය ප්‍රකාශක කාර්යාලය නිවේදනය පවසයි.