පසුගිය 09 වැනිදා කොල්ලුපිටිය සහ ගාලුමුවදොර ප්‍රදේශවල ඇතිවූ කලහකාරී සිදුවීම්වලට අදාළව මේ වනවිට පුද්ගලයින් 664 අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව පවසයි.
මේ සම්බන්ධයෙන් පසුගිය පැය 24දී පමණක් පුද්ගලයින් 258ක් අත්අඩංගුවට ගෙන ඇති අතර එම පිරිසෙන් 67 දෙනෙකු අධිකරණය වෙත ඉදිරිපත් කිරීමෙන් අනතුරුව ඇප මත නිදහස් කර තිබේ.
පොලිස් මාධ්‍ය ප්‍රකාශකවරයා කියා සිටියේ තවත් 43 දෙනෙකු රක්ෂිත බන්ධනාගාරගත කර ඇති බවයි.
ඉන් පුද්ගලයින් 272ක් මේ වනවිට රිමාන්ඩ් බන්ධනාගාර ගතකර ඇති අතර ඔවුන්ට එරෙහිව නීතිවිරෝධී ජන රාශිය, පහරදීම, තුවාල සිදුකිරීම අනර්ථය දේපොළ විනාශ කිරීම් යන විවිධාකාරයේ චෝදනා යටතේ අධිකරණයේ නඩු පැවරීමට නියමිතය.