අද (06) දිනයේදී තම පුත්‍රයා සහ ලේලිය පොලිසියට ඉදිරිපත් කරන බව සමගි ජන බලවේගයේ පාර්ලිමේන්තු මන්ත්‍රී දිලිප් වෙදආරච්චි පවසයි.
මාධ්‍ය වෙත අදහස් දක්වමින් මන්ත්‍රීවරයා මේ බව ප්‍රකාශ කළේය.
දක්ෂිණ අධිවේගී මාර්ගයේදී පොලිස් නිලධාරීන් දෙදෙනෙකු සමඟ පසුගියදා ඇති වූ උණුසුම් වචන හුවමාරුව සම්බන්ධයෙන් රවිඳු වෙදආරච්චි සහ ඔහුගේ බිරිඳ මේ වනවිට පොලිසියෙන් සොයමින් සිටියි.
සිද්ධිය සිදුවූ දිනයේ ඔවුන් දෙදෙනා දක්ෂිණ අධිවේගී මාර්ගයේ ගමන් කිරීමට පැමිණි කැබ් රථයද මාතර, වල්ගම ප්‍රදේශයේ නිවසක සඟවා තිබියදී පසුගිය 03 වැනිදා පොලිස් කණ්ඩායමක් විසින් සොයා ගත්තේය.
මේ අතර ඔවුන් දෙදෙනාට සැඟවී සිටීම සඳහා නවාතැන් පහසුකම් දුන් බවට සැකකෙරෙන කාන්තාවක්ද එදිනම පොලිසිය විසින් අත්අඩංගුවට ගනු ලැබීය.