ඉන්දීය රජය විසින් ලබා දෙන යූරියා පොහොර මෙට්රික් ටොන් 65,000 ලබන මස පළමු සති දෙක තුළ මෙරටට ලැබීමට නියමිත බව අමාත්ය මහින්ද අමරවීර පැවසීය.
එම පොහොර තොගය ඉන්දීය රජය විසින් ඔවුන්ගේ අවශ්යතා සඳහා ආනයනය කර ඇත්තේ ඕමානයෙනි.
නමුත් මෙරට ගොවීන් මුහුණ දෙන පොහොර හිඟය සළකා බලා එම යුරියා පොහොර තොගය මෙරටට ලබාදීමට තීරණ කර ඇතැයි කෘෂිකර්ම අමාත්යාංශය සඳහන් කළේය.
පොහොර තොගය ලැබුණු වහාම ඒවා බෙදා හැරීමේ කටයුතු දින දෙක තුනක් තුළ සිදු කෙරෙනු ඇති. ඒ අනුව යුරියා පොහොර මිටියක් රුපියල් 10,000 ක මුදලකට යල කන්නයේ වී වගා කරන ගොවීන්ට ලබාදීමට කටයුතු යොදා ඇත.