ව්‍යාපාර සංවර්ධනයට සහ ආයෝජනයට බාධාවක් වන රෙගුලාසි ලිහිල් කරන ලෙස ජනාධිපති ගෝඨාභය රාජපක්ෂ නිලධාරීන්ට නියෝග කර තිබේ.
ඊයේ (16) ජනාධිපතිවරයාගේ ප්‍රධානත්වයෙන් පැවති රැස්වීමක් අමතමින් ජනාධිපතිවරයා මෙම නියෝගය නිකුත් කළේය.
ඒ අනුව දේශීය හා විදේශීය ආයෝජකයින්ට ඉක්මනින් විදේශ විනිමය උපයා ගැනීම සඳහා අවස්ථා පුළුල් කළ යුතු බවත් විදේශ විනිමය උපයා ගත හැකි කර්මාන්ත හඳුනාගෙන ඒවායේ සංවර්ධනය සඳහා ගත යුතු ඉදිරි පියවර කඩිනම් කළ යුතු බවත් ජනාධිපතිවරයා එහිදී අවධාරණය කළේය.
අපනයන කර්මාන්තය හරහා ලැබෙන විදේශ විනිමය සෘජුවම අමුද්‍රව්‍ය ආනයනය කිරීම සඳහා යොදා ගැනීමේ හැකියාව සොයා බලන ලෙස ජනාධිපතිවරයා බලධාරීන්ට උපදෙස් දී තිබේ.