සිකුරාදා දිනයේ සිට තෝරාගත් ඉන්ධන පිරවුම්හල්වලින් සෞඛ්‍ය කාර්ය මණ්ඩල සඳහා ඉන්ධන ලබාදීමට තීරණය කර තිබේ.
විදුලිබල හා බලශක්ති අමාත්‍ය කංචන විජේසේකර සමඟ වෛද්‍යවරුන් ඇතුළු සෞඛ්‍ය කාර්ය මණ්ඩල සඳහා ඉන්ධන ලබාදීම පිළිබඳව සාකච්ඡා කළ බව සෞඛ්‍ය අමාත්‍යාංශ ලේකම්වරයා සඳහන් කළේය.
එක් දිස්ත්‍රික්කයකින් තෝරා ගත් ඉන්ධන පිරවුම්හල්වලින් සෞඛය කාර්ය මණ්ඩල සඳහා ඉන්ධන ලබාදීමට අවශ්‍ය පියවර ගන්නා බවත් එම කාර්ය සාර්ථක කර ගැනීම සඳහා මහජනතාවගේ සහයෝගයද අවශ්‍ය බවත් ලේකම්වරයා වැඩිදුරටත් ප්‍රකාශ කළේය.
ඒ අනුව කොළඹ දිස්ත්‍රික්කය සඳහා ඉන්ධන පිරවුම්හල් 09ක්ද, ගම්පහ දිස්ත්‍රික්කය සඳහා ඉන්ධන පිරවුම්හල් 06ක්ද මේ වන විට සෞඛ්‍යය කාර්ය මණ්ඩල වෙනුවෙන් ඉන්ධන ලබා දීමට තෝරා ගෙන තිබේ.