ජනාධිපති ගෝඨාභය රාජපක්ෂගේ දෙමාපියන්ගේ ස්මාරකය වන හම්බන්තොට ඩී. ඒ. රාජපක්ෂ කෞතුකාගාරය යළි ප්‍රතිසංස්කරණය කිරීමට පියවර ගෙන තිබේ.
මැයි 09 වැනිදා සිදු වූ ප්‍රචණ්ඩ ක්‍රියා අතරතුර කඩා බිඳ දැමූ ස්මාරකය යළි ගොඩනැගීමට අවශ්‍ය මුදල් හා ද්‍රව්‍ය එකතු කිරීම හම්බන්තොට දිස්ත්‍රික්කයේ පොලිස් ස්ථාන වෙත පැවරී ඇත.
හම්බන්තොට දිස්ත්‍රික්කයේ ජ්‍යෙෂ්ඨ පොලිස් නිලධාරියා විසින් පොලිස් අධිකාරීවරුන් වෙත මෙම නියෝගය නිකුත් කර ඇති බව වාර්තා වෙයි. වාර්තා වන අන්දමට ගල්, වැලි, සිමෙන්ති, ලී සහ මූල්‍ය ආධාර ඉල්ලා ඇත.
අදාළ නිලධාරියා විසින් දේපළවලට සිදුවන හානිය වළක්වා නොගැනීම නිසා ඔහුට ස්ථාන මාරුවක් ලබාදීමට කටයුතු කර ඇති බවත් ඒ අනුව ඔහුගේ ස්ථාන මාරුව වැළැක්වීමේ අරමුණින් ඔහු එසේ කරන බවත් දැනගන්නට ලැබුණි.
