ඉන්ධන අර්බුදය හේතුවෙන් මතුව ඇති ප්රවාහන අපහසුතා සැලකිල්ලට ගෙන දිවයිනේ තැපැල් සහ උප තැපැල් කාර්යාල ජුලි 10 දක්වා සතියේ දින තුනක් පමණක් විවෘත කර තැබීමට තැපැල් දෙපාර්තමේන්තුව තීරණය කර තිබේ.
ඒ අනුව සෑම සතියකම අඟහරුවාදා, බදාදා සහ බ්රහස්පතින්දා දිනවල දිවයින පුරා පිහිටා ඇති තැපැල් සහ උප තැපැල් කාර්යාල හරහා මහජන සේවාවන් පවත්වාගෙන යන බව තැපැල් දෙපාර්තමේන්තුව සඳහන් කරයි.
විවිධ ආකාරයේ ගෙවීම්, මහජන ආධාර, වැඩිහිටි දීමනා ලබාදීම, දේශීය හා ජාත්යන්තර තැපැල් මගින් ලැබෙන භාණ්ඩ බෙදාහැරීම වැනි අත්යවශ්ය සේවාවන්ද මෙම දිනයන්හිදී ක්රියාත්මක බව තැපැල්පති රංජිත් ආරියරත්න පැවසීය.