කෝන් ඇටයක් සිරවී මොණරාගල දිස්ත්‍රික් මහ රෝහලේ ප්‍රතිකාර ලබමින් සිටි නව හැවිරිදි පිරිමි දරුවෙකු අද (05) අලුයම ජීවිතක්ෂයට පත් වූ බව මොණරාගල රෝහල් පොලීසිය පවසයි.
මෙලෙස මියගොස් ඇත්තේ මොනරාගල සුදුවතුරආර පදිංචි ඔක්කම්පිටිය ගල්ටැම්මණ්ඩිය කනිෂ්ඨ විද්‍යාලයේ තුනවසරේ ඉගෙනුම ලබන ඩී.එම් ලක්ෂිත මධුශාන් (09) නැමති ශිෂ්‍යයෙකි.
මෙම දරුවා පසුගිය 28 වැනිදා නිවස අසළ පිහිටි කෝන් ගසකින් කෝන් කඩා නිවසට ගෙනවිත් කමින් සිටියදී කෝන් ඇටයක් සිරවී ඇති අතර පසුව මොණරාගල රෝහලට ඇතුළත් කර තිබේ.
රෝහලේ දැඩි සත්කාර ඒකකයේ ප්‍රතිකාර ලබමින් සිටි දරුවා අද (05) අලුයම මෙලෙස මියගොස් ඇති අතර මොනරාගල පොලීසිය වැඩිදුර පරීක්ෂණ පවත්වයි.