සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වාට නව රජය මගින් අමාත්‍ය ධූරයක් ලබාදීමට නියමිත බවට පැතිර ගිය කටකතාවලට ඔහු විසින් පිළිතුරු ලබා දී තිබේ.
ෆීල්ඩ් මාර්ෂල් සරත් ෆොන්සේකා සහ හර්ෂ ද සිල්වා සර්ව පාක්ෂික ආණ්ඩුවේ අමාත්‍ය ධුර අපේක්ෂාවෙන් සිටින බව සන්ඩේ ටයිම්ස් පුවත්පත වාර්තා කර තිබුණි.
මෙම පුවතට ප්‍රතිචාර දක්වමින් පාර්ලිමේන්තු මන්ත්‍රී හර්ෂ ද සිල්වා කියා සිටියේ තමන් එම පුවත 100%ක් ප්‍රතික්ෂේප කරන බවයි.
ඔහු මේ බව සිය නිල ට්විටර් ගිණුමේ සටහනක් තබා ඇත. එමෙන්ම ආණ්ඩුවේ කිසිවකු තමන් සමඟ අමාත්‍ය ධූරය සම්බන්ධයෙන් සාකච්ඡා නොකළ බවද ඔහු එයින් දක්වා තිබේ.
