නීතිවිරෝධී ලෙස මුහුදු මාර්ගයෙන් ප්‍රංශයට යෑමට උත්සාහ කළ පුද්ගලයින් 47 දෙනෙකු නාවික හමුදා භාරයට ගෙන තිබේ.
අද (01) අලුයම සිදුකළ වැටලීමකදී වෙන්නප්පුව – කොලින්ජාඩිය ප්‍රදේශයේදී 39 දෙනෙකු එලෙස නාවික හමුදා භාරයට ගෙන ඇති අතර ඔවුන්ගෙන් ලද තොරතුරු මත තවත් 08 දෙනෙකු අත්අඩංගුවට ගත් බව පොලීසිය පවසයි.
පිරිමි පුද්ගලයින් 38 දෙනෙක්, කාන්තාවන් 06 දෙනෙකු සහ කුඩා දරුවන් තිදෙනෙකු මෙලෙස අත් අඩංගුවට පත් පුද්ගලයන් අතර පසුවෙයි.
ඔවුන් මඩකලපුව, හලාවත, මාරවිල, ත්‍රිකුණමලය සහ වව්නියාව යන ප්‍රදේශවල පදිංචිකරුවන් බවට හඳුනාගෙන තිබේ.