ගෝල්ෆේස් අරගලය ආරම්භයේ සිටම අරගලකරුවන්ට කොළඹ තරු පංතියේ හෝටලයකින් දිනපතා ආහාර ලබා දී ඇතැයි කියන සිද්ධියක් සම්බන්ධයෙන් පොලිසිය විසින් මූලික විමර්ශනයක් ආරම්භ කර තිබේ.
අදාළ හෝටලය මඟින් දිනකට ආහාර පාර්සල් 500 – 600 අතර ප්‍රමාණයක් මෙලෙස ලබා දී ඇති බව අනාවරණය වී ඇත.
පොලිසිය මඟින් අරගලකරුවෙකුගෙන් කළ ප්‍රශ්න කිරීමේදී මේ බව අනාවරණය කරගත් බව පොලිස් ආරංචිමාර්ග සඳහන් කරයි. ඒ අනුව අදාළ ආහාර පාර්සල් නොමිලේ ලබාදුන්නේද නැත්නම් කිසියම් සංවිධානයක් විසින් ඇනවුම් කර මේවා ලබා දුන්නේද යන්න පිළිබඳව විමර්ශන ආරම්භ කර ඇති බව සඳහන්ය.