මාධ්‍යවේදියෙකුට පහරදීමේ සිද්ධියට සම්බන්ධ පොලිස් විමර්ශන අවසන් වන තුරු පොලිස් විශේෂ කාර්ය බලකායේ ජ්‍යෙෂ්ඨ පොලිස් අධිකාරි රොමේෂ් ලියනගේට කොළඹින් පිට මාරුවීමක් ලබා දෙන ලෙස ශ්‍රී ලංකා මානව හිමිකම් කොමිසම පොලිස්පතිවරයාට නිර්දේශ කර තිබේ.
අදාළ නියෝගය වහාම ක්‍රියාත්මක කිරීම සඳහා පොලිස්පතිවරයා දැනුවත් කර ඇති බව කොමිසමේ සභාපති විශ්‍රාමික ශ්‍රේෂ්ඨාධිකරණ විනිසුරු රෝහිණී මාරසිංහ මහත්මිය මාධ්‍ය නිවේදනයක් නිකුත් කරමින් පැවසුවාය.
දැනට මෙම පහරදීමේ සිද්ධිය සම්බන්ධයෙන් පොලිස් විශේෂ විමර්ශන ඒකකය විසින් විමර්ශන ක්‍රියාත්මක කරනු ලබන අතර මානව හිමිකම් කොමිසම අවාධරණය කරන්නේ එම විමර්ශන ස්වාධීන හා අපක්ෂපාති විය යුතු බවයි.