ගාලු මුවදොර ස්ථාපනය කර ඇති ගෝඨාගෝගමේ අනවසර ඉදි කිරීම් අගෝස්තු 10 වැනිදා දක්වා ඉවත් කර ගැනීමට කටයුතු නොකරන බව නීතිපතිවරයා විසින් අධිකරණයට දන්වා තිබේ.
පොලිසිය මීට පෙර දැනුම් දී තිබුණේ ගාලු මුවදොර පිටිය සහ ඒ ආසන්නයේ අනවසරයෙන් කරන ලද ඉදිකිරීම් සහ බෝග වගාකිරීම් අද සවස 5ට පෙර ඉවත් කරගන්නා ලෙසයි.
ඒ සම්බන්ධයෙන් පොලිසිය ගෝටාගෝගමට පැමිණ අවස්ථා දෙකකදී ඉවත් වීමේ නිවේදන නිකුත් කළද ඊට අරගලකරුවන්ගෙන් දැඩි විරෝධයක් එල්ල විය.