මෙරට රාජ්‍ය ආයතන 40ක් පෞද්ගලීකරණය කරන ලෙස අන්තර්ජාතික මූල්‍ය අරමුදල ඉල්ලීමක් කර ඇතැයි යනුවෙන් පළවන වාර්තාවල සත්‍යතාවක් නොමැති බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා පවසයි.
ට්විටර් පණිවිඩයක් නිකුත් කරමින් හෙතෙම මේ බව ප්‍රකාශ කළේය.
ශ්‍රී ලංකාවේ රාජ්‍ය ව්‍යවසායන් 40ක් පෞද්ගලීකරණය කරන ලෙස අන්තර්ජාතික මූල්‍ය අරමුදල ඉල්ලීමක් කර ඇතැයි විපක්ෂයේ ප්‍රධාන සංවිධායක, සජබ පාර්ලිමේන්තු මන්ත්‍රී ලක්ෂ්මන් කිරිඇල්ල කරන ලද ප්‍රකාශයකට මේ වන විට ජනමාධ්‍ය ඔස්සේ විශාල ප්‍රචාරයක් ලැබී ඇත.