විදුලිය ලබාගැනීම සඳහා පාරිභෝගිකයා විසින් තැන්පත් කරන ලද මුදලට පොලී මුදලක් ගෙවන ලෙස මහජන උපයෝගීතා කොමිසම විදුලිබල මණ්ඩලයට දැනුම් දී තිබෙනවා.
ඒ, අනුව එම ගෙවීම් ලබන ඔක්තෝම්බර් පළමුවනදා සිට ක්‍රියාත්මක කරන ලෙසටද එම කොමිසම විදුලිබල මණ්ඩලයට දැනුම්දී ඇති බවයි වාර්තා වුණේ.
මේ වනවිට රටේ පවතින පොලී අනුපාතය මත මෙම මුදල්වලට ගෙවිය හැකි පොලිය තීරණය කරගන්නා ලෙසත්, විදුලි බිලෙන් මෙම පොලී මුදල් අඩුකරන ලෙසටත් දන්වා තිබෙනවා.
පසුගියදා සිදුකළ විදුලි බිල සංශෝධනයත් සමඟ ලංකා විදුලිබල මණ්ඩලය රුපියල් බිලියන 800ක ආදායමක් අපේක්ෂා කර තිබුණා.