ණය ප්‍රතිව්‍යුහගත කිරීම සාර්ථක වුවහොත් ජාත්‍යන්තර මූල්‍ය අරමුදල ලබන දෙසැම්බර් මාසයේදී එම මුදල් ලබාදීම ආරම්භ කරන බව ශ්‍රී ලංකා මහ බැංකු අධිපති නන්දලාල් වීරසිංහ පැවසීය.
මහබැංකු අධිපතිවරයා මේ බව සඳහන් කළේ ජාත්‍යන්තර මාධ්‍යයකට අදහස් දක්වමිනි.
ගිවිසුමට අනුව ණය ලබාදීමේ කාලසටහන තීරණය කරන බවද ඔහු එහිදී සඳහන් කළේය.
ජාත්‍යන්තර මූල්‍ය සහ විදේශ ණය දෙන්නන් සමඟ සාකච්ඡා කිරීම සම්බන්ධයෙන් නිල මට්ටමින් ඇතිකරගත් එකඟතාව සාර්ථක වුවහොත් ශ්‍රී ලංකාවට මුදල් ලබාගත හැකි බව එම සාකච්ඡාවේදී නන්දලාල් වීරසිංහ ප්‍රකාශ කළේය.