තිරිඟු පිටි හිඟය සහ ආර්ථික අර්බුදය හේතුවෙන් රට පුරා බේකරි 2000කට අධික ප්‍රමාණයක් වසා දමා ඇති බව සමස්ත ශ්‍රී ලංකා බේකරි හිමියන්ගේ සංගමයේ සභාපති එන්.කේ. ජයවර්ධන පැවසීය.
රට පුරා ඇති බේකරි 7,000න් 2,000ක් පමණ මේ වනවිට වසා දමා ඇති අතර ඉතිරි බේකරි බොහෝ දුෂ්කරතා මධ්‍යයේ පවත්වාගෙන යන බව ඔහු පැවසීය.
තිරිඟු පිටි හිඟය හේතුවෙන් රුපියල් 13,000ට අලෙවි කෙරෙන කිලෝග්‍රෑම් 50 පිටි බෑගයක් කළු වෙළෙඳ පොළේ රුපියල් 20,000 දක්වා අලෙවි කරන බවද ඔහු පෙන්වා දුන්නේය.
වෙළෙඳපොළේ තිරිඟු පිටිවල පවතින දැඩි හිඟය හේතුවෙන් පාන් රාත්තලක මිල රුපියල් 300 දක්වා ඉහළ ගොස් තිබේ.