හිටපු ජනාධිපති මෛත්‍රීපාල සිරිසේනට එරෙහිව කොටුව මහේස්ත්‍රාත් අධිකරණය හමුවේ ගොනු කර තිබෙන පුද්ගලික පැමිණිල්ලේ විභාගය අත්හිටුවන අතුරු නියෝගයක් නිකුත් කරන්නේ ද? නැද්ද? යන නියෝගය ලබන 14 වැනිදා ප්‍රකාශයට කරන බව අභියාචනාධිකරණය නියෝග කළේය.
පාස්කු ඉරුදින ත්‍රස්ත ප්‍රහාරයක් එල්ල වන බවට බුද්ධි තොරතුරු ලැබී තිබියදීත් එය වළක්වා ගැනීමට ක්‍රියාමාර්ග නොගැනීමේ චෝදනාව සම්බන්ධයෙන් මෙම පෙත්සම ඉදිරිපත් කර තිබේ.
එදින පෙත්සම්කාර මෛත්‍රිපාල සිරිසේනද අධිකරණය හමුවේ පෙනී සිටිය යුතු බව අභියාචනාධිකරණය විසින් පෙත්සම්කාර පාර්ශවයේ නීතිඥවරුන්ට අද (12) දැනුම් දුන්නිය.
මෛත්‍රීපාල සිරිසේන විසින් ගොනු කර තිබූ රිට් පෙත්සමක් දීර්ඝ ලෙස සලකා බැලීමෙන් අනතුරුව සෝභිත රාජකරුණා සහ ධම්මික ගනේපොල යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝගය නිකුත් කළේය.