පන්දුවාර 20 ලෝක කුසලාන ක්‍රිකට් තරගාවලියේ සුපිරි 12 වටයේ තරග අද (22) ආරම්භ වනවා.
සුපිරි 12 වටය අරඹමින් අද තරග බිමට පිවිසෙන්නේ පසු ගියවර ශූරතාව දිනාගත් සත්කාරක ඕස්ට්‍රේලියානු කණ්ඩායම සහ අනුශූරයින් වූ නවසීලන්ත කණ්ඩායමයි.
ඔවුන් සිඩ්නි ක්‍රිකට් ක්‍රීඩාංගනයේ දී තරග වැදීමට නියමිත අතර, සුපිරි 12 වටයේ දෙවැනි තරගය ද අද එංගලන්තය සහ ඇෆ්ගනිස්ථානය අතර පැවැත්වීමටයි සැලසුම්කර ඇත්තේ.
එංගලන්තය සහ ඇෆ්ගනිස්ථානය අතර තරගය පර්ත් නුවර පැවැත්වීමට නියමිතයි.
2022 පන්දුවාර 20 ලෝක කුසලාන තරගාවලියේ සුපිරි 12 වටයේ තරග 30ක් පැවැත්වීමටයි සංවිධායකයින් කටයුතු කර ඇත්තේ.
මේ අතර ශ්‍රී ලංකාව සහභාගීවන සුපිරි 12 වටයේ පළමු තරගය හෙට (23) අයර්ලන්ත කණ්ඩායම සමඟ පැවැත්වීමට නියමිතව තිබෙනවා.