මේ වනවිට දිවයින පුරා රෝහල්වල පිළිකා රෝගීන් සඳහා භාවිත කරන ඖෂධ වර්ග 15ක හිඟයක් පවතින බව රජයේ ඖෂධවේදින්ගේ සංගමය පවසයි.
මේ හේතුවෙන් දිවයින පුරා රෝහල්වල පිළිකා ඒකක වැසීයාමේ අවදානමක්ද පවතින බව එම සංගමයේ සභාපති අජිත් පී. තිලකරත්න අවධාරණය කළේය.
හෙතෙම මේ බව සඳහන් කළේ ඊයේ (25) අනුරාධපුරයේදී පැවති මාධ්‍ය හමුවකට එක්වෙමිනි.
එහිදී වැඩිදුරටත් අදහස් දක්වමින් ඔහු කියා සිටියේ මෙරටට ඖෂධ වර්ග 383 ක අවශ්‍යතාවක් පවතින බවත් ඉන් 150ක්ම ගබඩා තුළ නොමැති බවත්ය.
කෙසේවෙතත් ජීවිතාරක්ෂක ඖෂධ වර්ග 14 ප්‍රමාණවත් පරිදි රට තුළ පවතින බව ඔහු අවධාරණය කළේය.