මඟ පෙන්වන්නන් නොමැතිව පෞද්ගලික වාහනවලින් ජාතික වනෝද්‍යානවලට ඇතුළුවීම තාවකාලිකව අත්හිටුවීමට වනජීවි අමාත්‍ය මහින්ද අමරවීර තීරණය කර තිබේ.
පසුගියදා යාල වනෝද්‍යානයට ඇතුළු වූ පිරිසක් සතුන්ට හිරිහැර වන අයුරින් හැසිරීමේ සිද්ධිය සලකා බලා අමාත්‍යවරයා මෙම උපදෙස් ලබා දී ඇත.
ඒ අනුව ඊට අදාළ පරීක්ෂණ ක්‍රියාත්මක වනතුරු මෙලෙස මඟ පෙන්වන්නන් නොමැතිව ජාතික වනෝද්‍යාන වෙත පෞද්ගලික වාහනවලට ඇතුළුවීමට කිසිඳු අවස්ථාවක් නොලැබේ.