මහරගම අපේක්ෂා රෝහලට පරිත්‍යාග ලෙස ලැබුණු ඖෂධ තොගයක් මාස තුනකට අධික කාලයක් පුරා කොළඹ වරායේ සිර වී ඇති බවට තොරතුරු වාර්තා වෙයි.
විදෙස්ගත ශ්‍රී ලාංකිකයන් පිරිසක් විසින් මෙම ඖෂධ තොගය පරිත්‍යාග කර ඇති බවයි වාර්තා වන්නේ. මෙලෙස වරායේ සිරවී ඇති ඖෂධ අතර ඩොලර් 10,000ක වටිනාකමකින් යුත් පිළිකා රෝගීන්ට ලබා දෙන අත්‍යාවශ්‍ය ඖෂධ වර්ග 20ක් පමණ අඩංගු වන බවද වාරතා වෙයි.
සෞඛ්‍ය අමාත්‍යංශයේ වෛද්‍ය සැපයුම් ඒකකය විසින් අදාළ ලිපි ලේඛන මේ දක්වා ඉදිරිපත් නොකිරීම හේතුවෙන් මෙම ඖෂධ තොගය වරායෙන් නිදහස් කිරීමට නොහැකි වී තිබේ.