කෝටිපති ව්‍යාපාරිකයන් රවටා මහා පරිමාණයෙන් මුදල් වංචා කළ තිකෝ සමූහ ව්‍යාපාරයේ හිමිකාරිණි තිළිණි ප්‍රියමාලි ඩොලර් දෙන බව පවසා රුපියල් 40000000ක් වංචා කිරීමේ සිද්ධියක් සම්බන්ධයෙන් අපරාධ පරීක්ෂණ දෙපාර්තමේන්තුව ඊයේ කොටුව මහේස්ත්‍රාත් අධිකරණයට කරුණු වාර්තා කළේය.
මොරටුව ප්‍රදේශයේ ව්‍යාපාරිකයෙක් වන සමිත් විරංග පටබැදීගේ යන අය කළ පැමිණිල්ලක් සම්බන්ධයෙන් විමර්ශන කරන බව රහස් පොලිසිය කොටුව මහේස්ත්‍රාත් තිළිණ ගමගේ මහතා හමුවේ දන්වා සිටියේය.
ම සිද්ධිය සම්බන්ධයෙන් කරන විමර්ශන සඳහා තිළිණි ප්‍රියමාලිට ගිණුම් සහිත පෞද්ගලික බැංකු හතරක ගිණුම් පරීක්ෂා කිරීමට අපරාධ පරීක්ෂණ දෙපාර්තමේන්තුව මෝසමක් ගොනු කරමින් අධිකරණයෙන් අවසර ඉල්ලා සිටි අතර ඒ සඳා අවසර ලබා දී තිබේ.