ශ්රී ලාංකික බොලිවුඩ් නිළි ජැක්ලින් ෆර්නැන්ඩස්ට දිල්ලි අධිකරණය ඇප ඇප නියම කර ඇති බව විදෙස් මාධ්ය වාර්තා කර තිබේ.
ඉන්දීය රුපියල් කෝටි 200ක දැවැන්ත කප්පම් ගැනීමේ චෝදනාවට ලක්ව සිටින මූල්ය ජාවාරම්කරුවෙකු වන සුකේෂ් චන්ද්රසේකර්ට එරෙහි මුදල් විශුද්ධිකරණ නඩුවට අදාළව විත්තිකාරියක් ලෙස ජැකලින් ෆර්නැන්ඩස් නම් කර තිබුණා.
විමර්ශන අවසන් කර චෝදනා පත්රය ගොනු කර ඇති බැවින් තමා අවශ්ය නොවන බව පවසමින් ෆර්නැන්ඩස් ඇප ඉල්ලා තිබිණි. ගොනු කළ පරිපූරක චෝදනා පත්රය අධිකරණය අගෝස්තු 31 වැනිදා පිළිගෙන ඇති අතර ඇයට අධිකරණය හමුවේ පෙනී සිටින ලෙස දන්වා තිබිණි.
මේ පිළිබඳව විමර්ශනය කරන ඉන්දීය මූල්ය බුද්ධි තොරතුරු ඒජන්සියක් විසින් දිල්ලි අධිකරණයේ ගොනු කරන ලද පරිපූරක චෝදනා පත්රයේ ඇයව චූදිතයෙකු ලෙස නම් කර ඇති බව ඉන්දීය මාධ්ය වාර්තා කර තිබිණි.