අඩු ආදායම්ලාභී පවුල් සඳහා ලබාදෙන රුපියල් 5000 දීමනාව අඩු කර හෝ අවලංගු කර නොමැති බව මුදල් රාජ්‍ය අමාත්‍ය ෂෙහාන් සේමසිංහ පැවසීය.
ඊයේ (21) අයවැය විවාදයේදී නැගෙනහිර පළාත් පාර්ලිමේන්තු මන්ත්‍රී එස්. රාසමානික්කම් නැගූ ප්‍රශ්නයකට පිළිතුරු දෙමින් රාජ්‍ය අමාත්‍යවරයා මේ බව සඳහන් කළේය.
මේ සඳහා පොරොත්තු ලේඛනයේ සිටින අයටද මෙම දීමනාව ලබා දී ඇති අතර
වත්මන් ආර්ථික අර්බුදය තිබියදීත්, මෙම දීමනාව දිගටම ගෙවනු ලබන බව අමාත්‍යවරයා එහිදී සඳහන් කළේය.
එමෙන්ම ජනවාරි සිට අප්‍රේල් දක්වා කාලය සඳහා මෙම ගෙවීම සඳහා අවශ්‍ය මුදල් වෙන්කර ඇති බවත් රාජ්‍ය අමාත්‍යවරයා වැඩිදුරටත් අවධාරණය කළේය.