ගාලු මුවදොර පිටියේ කොඩි කණුව අසළ තිබී පිරිමි මළ සිරුරක් හමු වී ඇති බව පොලීසිය පවසයි.
මියගිය පුද්ගලයා අවුරුදු 45 වූ ග්‍රෑන්ඩ්පාස් ප්‍රදේශයේ පදිංචිකරුවෙකු බව අනාවරණය වී තිබේ.
මෙම පුද්ගලයා කලක සිට දියවැඩියා රෝගයට ප්‍රතිකාර ලබාගත් තැනැත්තෙක් වන අතර ඔහු පසුගිය 27 වැනිදා කොළඹ ජාතික රෝහලේ නේවාසිකව ප්‍රතිකාර ලබාගෙන සිට නිවසට පැමිණ තිබේ.
කෙසේනමුත් ඔහු ඊයේ (28) උදෑසන නිවසින් පිටව ගොස් ඇති බව පොලිස් විමර්ශනවලදී අනාවරණය වී තිබේ.
මරණකරුගේ ඥාතීන් විසින් මෘත ශරීරය හඳුනාගෙන ඇති අතර කොටුව පොලීසිය වැඩිදුර පරීක්ෂණ පවත්වයි.