ලෝකයේ අධික පිරිවැයක් දැරීමට සිදු වන නගර ලෙස නිව්යෝක් සහ සිංගප්පූරුව නම් කර තිබේ.
ඉකොනොමිස්ට් ඉන්ටලිජන්ස් යුනිට් හෙවත් ඊ.අයි.යූ ආයතනය විසින් කරන ලද සමීක්ෂණයකට අනුව මේ බව හෙළිදරවු වී තිබේ.
එමෙන්ම ලොව විශාලතම නගරවල සාමාන්‍ය ජීවන වියදම මේ වසරේ සියයට 8.1කින් ඉහළ ගොස් ඇති බවත් රුසියානු – යුක්රේන ආක්‍රමණයෙන් සැපයුම් ජාලයට වී ඇති බලපෑම සහ කොවිඩ් වසංගතය මීට ප්‍රධාන හේතුව වී ඇති බවත් එහි දැක්වෙයි.