ඇමරිකාවේ ‘චියර්ස්’ නැමැති ප්‍රහසන රූපවාහිනී කතා මාලාවේ අතිශය ජනප්‍රියත්වයට පත් නිළියක් වන ක්‍රිස්ටි අලෙයි මියගොස් ඇති බව විදෙස් මාධ්‍ය වාර්තා කරයි.
පිළිකා රෝගයකින් පීඩා විඳි ඇය මියයන විට 71 හැවිරිදි වියේ පසු වූවාය.
‘චියර්ස්’ නැමැති ප්‍රහසන කතා මාලාවේ රංගනය වෙනුවෙන් ක්‍රිස්ටි අලෙයි, එමී සම්මානයටද පාත්‍ර වූ අතර මෙම ජනප්‍රිය රූපවාහිනී කතා මාලාවේ පබ් කළමණාකරුවෙකු ලෙස ඇය සිය භූමිකාව නිරූපණය කළාය.
ඇයට තිබූ පිළිකාව කුමක් දැයි නිශ්චිතව සඳහන් කර නොමැති නමුත් ඇය පිළිකා රෝගයෙන් පීඩා විඳින බවට මෑතකදී හඳුනාගත් බව පවුලේ ප්‍රකාශකයෙකු සඳහන් කර තිබේ.