කොළඹ සිට මඩකලපුව බලා ධාවනය වෙමින් තිබූ දුම්රියට වැලිකන්ද දුම්රිය හරස් මාර්ගයේදී මහවැලි රථයක් ගැටීමෙන් අද 12.30 ට පමණ අනතුරක් සිදුව ඇති බව වැලිකන්ද පොලිසිය පවසයි.
අනතුරට පත්ව ඇත්තේ මහවැලි සී කලාපයට අයත් කැබ් රථයකි. අනතුර සිදුවන විට කැබ් රථයේ තිදෙනෙකු ගමන් කර ඇති අතර කිසිවෙකුට හානියක් වී නොමැති බව පොලිසිය පැවසීය.
කැබ් රථය දුම්රියේ හැපෙන විට පාරෙන් බාගයක් ගොස් තිබෙන අතර දුම්රිය වැලිකන්ද නැවතුම්පොළේ නවතන බැවින් සෙමෙන් පැමිණි නිසා මෙය මාරක අනතුරක් නොවුණු බවද පොලිසිය කියයි.
